ප්‍රභාකරන් නොසිටියානම් මහින්දට ජනපති වෙන්න බෑ

null

ප්‍රභාකරන් නොසිටින්නට මහින්ද රාජපක්ෂ මහතාට මේ රටේ ජනාධිපති වීමට නොහැකි බව විදේශ කටයුතු නියෝජ්‍ය අමාත්‍ය අජිත් පී පෙරේරා මහතා පවසයි.

නිවේදනයක් නිකුත් කරමින් නි.අමාත්‍යවරයා සඳහන් කර ඇත්තේ මහින්ද රාජපක්ෂ ඇතුළු ඔහුගේ වර්ගවාදී නඩය මෙම පටු දේශපාලනයෙන් රට ගිනි තැබීම වහාම නතර කළ යුතුව ඇති බව යි.

එම නිවේදනය පහතින්…

කුරුණෑගල දිස්ත්‍රීක් අපේක්ෂක මහින්ද රාජපක්ෂ බරපතළ රෝගාබාධයකට ලක්ව ඇති බව පෙනේ. ඒ වූ කලි වෛද්‍ය විද්‍යාවේ ඇම්නීසියා (Amnesia) නමින් හඳුන්වන සියල්ල ක්ෂෙණිකව අමතක වීමේ රෝගයයි. මීට මාස හයකට පෙරාතුව ඔහු කළ කී දේ සියල්ල අමතක කරමින් කරන ප්‍රකාශ තුළින් එය මනාව පැහැදිලි වේ. කුරුණෑගල දිස්ත්‍රීක් අපේක්ෂනක මහින්ද රාජපක්ෂයගේ දේශපාලනයේ එකම සටන් පාඨය වී ඇත්තේ වර්ගවාදයයි. ජාතිවාදයයි. ආගම්වාදයයි.

විටෙක ජාතික කොඩිය විකෘති කිරීමට අනුබල දෙන මහින්ද රාජපක්ෂය තවත් විටක සිංහල, දෙමළ හා මුස්ලිම් ජනතාව අතරේ වෛරය පැතිරීමට කටයුතු කරයි. ලංකාවේ දේශපාලන ඉතිහාසය දන්නා ඕනෑම අයෙක් උතුරේ දේශපාලන පක්ෂය මැතිවරණයකදී ෆෙඩරල් පාලන ක්‍රමයක් ස්වයං පාලනයක් වැනි වචන තම මැතිවරණ ප්‍රකාශවලට ඇතුළු කරන බව දනී. එය වර්තමානයේදී මහින්ද රාජපක්ෂ සිංහල වර්ගවාදය පිළිබඳව කරනු ලබන ප්‍රකාශ හා සමාන වේ. මෙම ස්වයං තීරණ අයිතිය ඔහුගේ දේශපාලන සගයන් වන ඩග්ලස් දේවානන්ද හා වාසුදේව නානායක්කාර ද සිදු කරයි. අදද ඔවුන්ගේ ස්ථාවරය එයයි.

දශක තුනක යුද්ධය මහින්ද රාජපක්ෂ හිඟන්නාගේ තුවාලය හා සමාන වේ. යුද්ධයෙන් පීඩා වින්දේ දකුණේ සහ උතුරේ සාමාන්‍ය ජනතාවය. යුද්ධය නිසා ජීවිත අහිමි වූයේ යුද්ධයට එරෙහි වූ දකුණේ සහ උතුරේ දෙමව්පියන්ගේ දරුවන් ය. යුද්ධයට ජීවිත පූජා කළ දේශපාලන නායකයින් අතරේ සිංහල, දෙමළ හා මුස්ලිම් පුද්ගලයින් රැසකි. එමෙන්ම මහා සංඝරත්නය, හින්දු, කතෝලික හා ඉස්ලාම් පූජකයින් ද යුද්ධයට ජීවිත පූජා කළෝය. මේ සියල්ල මඟින් ද රාජපක්ෂ ට වැලදි ඇති ඇම්නීසියා (Amnesia) රෝගය නිසා අමතක වී ඇත. ඔහුට අමතක වී ඇති වැදගත්ම කරුණ වන්නේ එල්ටීටීඊ සංවිධානය සමඟ ඔහු ගොඩනගාගෙන තිබූ මිත්‍රත්වයයි.

මහජන මුදලින් රුපියල් මිලියන 800 ක් රාඩා ආයතනය හරහා සෘජුවම ප්‍රභාකරන්ගේ අතට ලබාදුන්නේ මහින්ද රාජපක්ෂය. එම නිසා ප්‍රභාකරන්ගේ ආශිර්වාදයෙන් 2005 ජනාධිපතිවරණය ජයග්‍රහණය කිරීමට මහින්ද රාජපක්ෂට හැකි විය. ප්‍රභාකරන් නොසිටින්නට මහින්ද රාජපක්ෂ මේ රටේ ජනාධිපති නොවේ. අරන්තලාව භික්ෂුන් ඝාතනයට පොලිස් නිලධාරීන් 600 කගේ ජීවිත විනාශයට වගකිව යුතු යැයි ප්‍රකාශිත කරුණා අම්මාන් හෙවත් විනයාගමුර්ති මුරලිදරන්ට ශ්‍රී ලංකා නිදහස් පක්ෂයේ උප සභාපති ධූරය පිරිනැමුවේ ද මහින්ද රාජපක්ෂය. එමෙන්ම පිල්ලෙයාන්ට නැගෙනහිර මහඇමති ධූරය ලබාදුන්නේ ද මහින්ද රාජපක්ෂ විසින්ය. ශ්‍රී ලංකාවේ ජනතාවට රාජ්‍ය නායකයින්ට මරු කැඳවමින් විවිධ ස්ථානවල පිපිරී ගිය බෝම්බ එල්ටීටීඊ සංවිධානයේ මුහුදු බලකායට අවශ්‍යයම අවි ආයුධ ලබා ගැනීමට මුදල් සම්පාදනය කළ අවි ආයුධ ජාවාරමේ ප්‍රධාන ඒජන්තවරයා වූ ද ප්‍රභාකරන්ගේ යුද්ධයේ මහ මොලකාරයා වූ ද කේ. පී ට විසුම්පාය ලබාදුන්නේ ද මහින්ද රාජපක්ෂ විසින්මය.

මේ සියල්ලම කුරුණෑගල දිස්ත්‍රීක් අපේක්ෂකයාට වැළඳී ඇති ඇම්නීසියා (Amnesia) රෝගය නිසා අමතක වී ඇත. මහින්ද රාජපක්ෂක සහ පවුල ශ්‍රී ලංකාව සින්නක්කරව තමන්ට අයත් විය යුතු බවත්, ජීවිතාන්තය දක්වා ජනාධිපති තනතුර දැරීම සඳහා 18 වන ව්‍යවස්ථා සංශෝධනය ගෙනාවේත්, එල්.ටී.ටී.ඊ පරාජයට පත්කොට රට සදහටම ත්‍රස්තවාදයෙන් ගලවා ගත් බව ප්‍රකාශ කරමිනි.
වර්තමානයේ ඔහු කියන්නේ එල්.ටී.ටී.ඊ ත්‍රස්තවාදය යළි හිස ඔසවන බවය. 13 වන ව්‍යවස්ථා සංශෝධනයෙන් ඔබ්බට ගොස් බලය බෙදාහරින බවට සහ යුද්ධ අපරාධ ගැන අන්තර් ජාතික පරීක්ෂණයකට ඉඩ දෙන බවට බෑන් කී මූන්ට සහ ඉන්දියාවට දුන් ප්‍රතිඥාව අමතක කරමින් රට බෙදීමක් ගැන දැන් ඔහු දොඩවයි.

ඔහු පවසන පරිදි ත්‍රස්තවාදය අවසන් වූවා නම් එල්.ටී.ටී.ඊය විනාශ කළා නම් යළිත් එය හිස එසවීමට ඉඩක් නැත. යළිත් එල්ටීටීඊය හිස ඔසවන්නේ නම් ඔහුගේ පළමු ප්‍රකාශය බොරුවකි. එය සත්‍යයි නම් දැන් ඔහු නඟන ප්‍රකාශ ද බොරුවකි. මෙයින් පැහැදිලි වන්නේ මහින්ද රාජපක්ෂ ඇම්නීසියා (Amnesia) රෝගය බරපතළ ලෙස රෝගාතුරව සිටින බවයි.

මහින්ද රාජපක්ෂ ඇතුළු ඔහුගේ වර්ගවාදී නඩය මෙම පටු දේශපාලනයෙන් රට ගිනි තැබීම වහාම නතර කළ යුතුය. 2005 සිට පැවති සෑම මැතිවරණයකදීම මහින්ද රාජපක්ෂමට තිබූ එකම සටන් පාඨය ජාතිවාදයයි. ජනවාරී 8 මේ රටේ ජනතාව ප්‍රති‍ක්ෂේප කළේ ද මෙම සටන් පාඨයයි. එය අමතක කරලමින් මෙම සටන් පාඨයම ඉදිරිපත් කිරීම මහින්ද රාජපක්ෂර හා ඔහුගේ නඩය ගෝත්‍රික සමාජ ගති පැවතුම්වලින් මිදීමට ඇති නොහැකියාව යළි යළිත් පෙන්වා දේ. මැතිවරණයට ඉතිරිව ඇති දින කිහිපය තුළ හෝ රටේ ජනතාවට බුද්ධිමත්ව ආමන්ත්‍රණය කිරීමේ සටන් පාඨයක් හොයා ගැනීමට මහින්ද රාජපක්ෂට ඉඩ තිබේ. එය රාජකමේ සිට ‍දොරටු පාල ධූරයට පල්ලම් බැසීමට නම් කළ යුතු හොඳම කාර්ය බව අවධාරණය කරමු. මැතිවරණයට ඇත්තේ තව දින 10 ක් පමණි.

Comments

comments

Leave a Reply

Your email address will not be published. Required fields are marked *

You may use these HTML tags and attributes: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>