බස් එකේදී තරුණියකගේ ශරීරය අතගෑ අනංගයාට පාඩමක්

null

මේ දින වලදී අසන්නට ලැබෙන පුවත් වලින් පෙනී යන්නේ ලංකාවේ ස්ත්‍රී දුෂණ, ළමා අපයෝජන වැඩිවී තිබෙන අයුරුය. මෙවැනි විකෘති මානසිකත්වයෙන් යුතු පුද්ගලයින් නිසා තරුණියකට තනිවම බසයක යෑමට පවා නොහැකි තත්වයක් උදාවී තිබේ.

කෙසේ වෙතත් එවැනි සිද්ධියකට මුහුණ දුන් තරුණියක් තම ශරීරය අතගෑ අනංගයාට පාඩමක් උගන්වා තිබේ. ඇය එම සිද්ධිය තම ජංගම දුරකතනයෙන් රහසේ වීඩියෝ කර හිරු වෙබ් අඩවියට ලබාදී තිබේ.

නම් ගම නොමැතිව පහත සටහනද සමග ඇය මෙම වීඩියෝව ලබාදී ඇත…

‘මේ සිද්ධිය වුනේ 138 මහරගම-පිටකොටුව බස් එකකදී. මං බස් එකකට නැග්ගේ මහරගමින්. නුගේගොඩට එනකනුත් බස් එකේ හිටියේ හතරපස් දෙනෙක් විතරයි. අදාළ පුද්ගලයා බස් එකට නැග්ගේ නුගේගොඩ ගුවන් පාලම පහුවෙද්දී. මේ පුද්ගලයා මාව පහු කරගෙන ගිහින්, ආයෙත් මාව දැකලා මගේ සීට් එකෙන්ම වාඩි වුනා. මම හිටියේ ජනේලේ අයිනේ. අච්චර සීට් තියෙද්දිත් මං ලඟින්ම වාඩි වෙද්දීම මට මිනිහා ගැන සැකයක් ආවා. අනික ඒ මිනිහා කීප වතාවක්ම හොරෙන් හොරෙන් වට පිට බැලුවා. මිනිහා වාඩි වුනේ පුළුවන් තරම් මාව ජනේලේ අයිනට තෙරපෙන විදිහට. ඊට පස්සේ එක අතක් බෑග් එක අස්සෙන් මගේ ඇඟේ ගෑවෙන විදිහට තියා ගත්තා. මම පුළුවන් තරම් එහාට වෙන්න වෙන්න මිනිහා තව තව මගේ ලඟට ආවා. ඒ වෙනකොට බස් එක තිබුනේ කිරුලපන හංදියේ. මිනිහා හිමින් සැරේ මගේ කළව අතගාන්න පටන් ගත්තා. පිළිකුල වැඩි කමට එවෙලේ මං කරන්න ඕනේ මොකක්ද කියලා හිතන්නවත් කාලයක් ගත්තේ නෑ. ආපු ආවේගය මම පිට කළා. මේ වගේ තිරිසනුන් බස් වලදී අපට ඕනෑතරම් මුණ ගැහෙනවා. හැමදාම ඉවසන්නත් බෑනේ. මේ සිද්ධිය වුනු වෙලාවත් කියන්නම ඕනේ. දවල් දොළහ පහු වුනා විතරයි. මේ වගේ ගිනි දවාලකදිවත් ගෑනු කෙනෙක්ට නිදහසේ බස් එකක යන්න බැරි නම් මහ රෑ ගැන කවර කතාද?’

Comments

comments

Leave a Reply

Your email address will not be published. Required fields are marked *

You may use these HTML tags and attributes: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>