මාතර රෝහලේදී අත කපා දැමූ අචලා කෝටි 10ක්‌ ඉල්ලයි

null

මාතර මහා රෝහලේ ප්‍රතිකාර ලබමින් සිටි තමාගේ වම් අත කපා දැමීමෙන් සිදුකළ පාඩුවට සෞඛ්‍ය බලධාරීන්ගෙන් හා රජයෙන් කෝටි 10 ක වන්දියක්‌ ඉල්ලා ඌරුබොක්‌ක හීගොඩ බොරදුවහේන පදිංචි අචලා ප්‍රියදර්ශනී පැවරු නඩුව ලබන නොවැ. 02 විභාගයට ගැනීමට කොළඹ දිසා විනිසුරු ටී. අයි. ඩී. ගුණසේකර මහතා තීරණය කළේය.

බිම වැටී අත කෙටීමෙන් ඇතිවූ වේදනාවෙන් මාතර මහ රෝහලට ඇතුලත්වූ ඇයට කොළඹ ජාතික රෝහලෙන් පිටවීමට සිදුවූවේ වම් අත කපා දැමීමෙන් පසුව යෑයි උසාවියට ගොනුකර ඇති පැමිණිල්ලේ සඳහන් කර ඇත.

ඇය මාතර රෝහලට ඇතුලත්වී ඇත්තේ 2013 ජනවාරි 17 දායි. ඒ වන විට ඇය නීතිය හදාරමින් සිටි ශිෂ්‍යාවකි. පසුව කොළඹ මහා රෝහලට මාරු කර ඇත.

ඇය කියා සිටින්නේ රෝහලේ කාර්ය මණ්‌ඩලය වෛද්‍යවරුන්ගේ නොසැලකිලිමත්කම නිසා අත කපාදැමීමට සිදුවූ බවයි. වම් අතට දමා තිබූ වෙලුම බුරුල් නොකිරීම, වෙළුම දමා තිබූ අතේ නහර අප්‍රාණික වීම වැලැක්‌වීමට හා අත කපා දැමීමට සිදුවීම වැලැක්‌වීමට පියවර නොගැනීම, ඇගේ සෞඛ්‍ය තත්ත්වය පරික්‍ෂාකිරීමට සුදුසුකම් ලත් වෛද්‍යවරයෙකුගේ සහාය ලබා නොගැනීම නිසා තමාට එවන් අවාසනාවන්ත තත්ත්වයකට මුහුණ පෑමට සිදුවූ බවද පෙත්සමේ සඳහන් කර ඇත.

මාතර රෝහලේ අධ්‍යක්‍ෂ දිල්කා සරනසිංහ ජාතික රෝහලේ අධ්‍යක්‍ෂ වෛද්‍ය අනිල් ජාසිංහ, සෞඛ්‍ය සේවා අධ්‍යක්‍ෂ වෛද්‍ය පාලිත ගුණරත්න මහීපාල, සෞඛ්‍ය අමාත්‍යංශයේ ලේකම් සුදර්මා කරුණාරත්න හා නීතිපතිට එරෙහිව මෙම නඩුව පවරා ඇත.

(සරත් ධර්මසේන)

Comments

comments

Leave a Reply

Your email address will not be published. Required fields are marked *

You may use these HTML tags and attributes: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>