ලංකාවේ මිනිස් ඝාතන ගැන ඇමරිකාවෙන් වාර්තාවක්

null

ශ්‍රී ලංකා ආණ්ඩුව හෝ ආණ්ඩුවේ නියෝජිතයින් නොමනා ලෙස හා නීති විරෝධී ලෙස මිනිස් ඝාතන සිදුකර ඇතැයි අමෙරිකා රාජ්‍ය දෙපාර්තමේන්තුව විසින් 2014 වසරට අදාළව නිකුත් කරන ලද නව මානව හිමිකම් පිළිබඳ වාර්තාවෙන් පෙන්වාදී තිබේ.

එසේ වුවද මෙම සිදුවීම් වලට අදාළ පැමිණිලිකරුවන්ද ඝාතනයට ලක්ව ඇති හෙයින් හා පවුලේ සාමාජිකයින්ද ඒ පිළිබඳ පැමිණිලි කරනු ලැබුවහොත් සිදුවිය හැකි ප්‍රතිවිපාක සම්බන්ධයෙන් බියෙන් පසුවන බැවින් පසුගිය කාලයේ සිදුවූ එම ඝාතන සම්බන්ධයෙන් විශ්වාසවන්ත සංඛ්‍යාලේඛණ සොයාගැනීම අසීරු බවද එම වාර්තාවේ දැක්වෙයි.

අමෙරිකා රාජ්‍ය ලේකම් ජෝන් කෙරී මෙම වාර්තාව අද (26) එරට කොංග්‍රස් මණ්ඩලයට ඉදිරිපත් කළ බව අමෙරිකානු රාජ්‍ය දෙපාර්තමේන්තු‍වේ නිල වෙබ් අඩවිය කියයි.

සැකකරුවන් පොලිස් අත්අඩංගුවේ පසුවන අවස්ථාවේදී ඝාතනය කිරීම් සිදුවීම ප්‍රශ්නයක්ව පැවති බවත්, 2012 ආරම්භයේ සිට ඉකුත් වසර අවසානය දක්වා පොලිස් අත්අඩංගුවේදී මරණයට පත්වූ පිරිස 68 ක් බව රජයේ නිලධාරියෙකු පෙන්වාදුන් බවත් වාර්තාවේ දැක්වෙයි.

සැකකරුවන්ගේ එම මරණ සම්බන්ධයෙන් පොලීසිය විසින් ප්‍රසිද්ධියට පත්කරනු ලබන්නේ ඉතා සමාන තොරතුරු බවත්, එහි බොහෝවිට පරීක්ෂණ පැවැත්වෙන අතරතුරදී සැකකරුවන් ආයුධ පෙන්වන්නට රැගෙන ගොස් පොලීසිය දෙසට අත්බෝම්බ ප්‍රහාර එල්ල කිරීමට,වෙඩිතැබීමට උත්සාහ කිරීම ආදී සිදුවීම්වලදී පොලීසිය විසින් ප්‍රතිප්‍රහාර එල්ල කිරීමේදී ඝාතනයට ලක්වූ බව දැක්වෙන බව එම වාර්තාවෙන් පෙන්වාදී ඇත.

Comments

comments

Leave a Reply

Your email address will not be published. Required fields are marked *

You may use these HTML tags and attributes: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>