Monthly Archive:: August 2015

කැලණි ගඟට තෙල් මුසුවීම නිසා පරිසර ආරක්ෂණ බලපත්‍රය තහනම් කර තිබූ කොකාකෝලා සමාගමට තාවකාලිකව කොන්දේසිවලට යටත්ව යළි පරිසර ආරක්ෂණ බලපත්‍රය ලබාදීමට මධ්‍යම පරිසර අධිකාරිය අද (31) තීරණය කර ඇති බව ලංකාදීප පුවත්පත වාර්තා කරයි.

එල්.ටී.ටී.ඊ. හිටපු ජාත්‍යන්තර නායක කුමාරන් පද්මනාදන් අත්අඩංගුවට ගැනීම සඳහා ප්‍රමාණවත් සාක්ෂි නොමැති බව නීතිපතිවරයා අද (31) අභියාචනාධිකරණයට දැනුම් දී ඇතැයි වාර්තා වේ.

නව පාර්ලිමේන්තුවේ විපක්ෂ නායක පත් කිරීමේ අවස්ථාව විපක්ෂයේ මන්ත්‍රීවරුන්ට ලබා දෙන බව ජනාධිපතිවරයා පැවසූ බව විමල් වීරවංශ මහතා පවසයි.

කොළඹ නගරයේ ඉපැරැණි ගොඩනැගිලි වල පෞරාණික අගයට හානි වන අයුරින් වෙනස්කම් කළහොත් ඊට එරෙහිව අද (31) සිට වහා නීතිමය පියවර ගන්නා බව අගමැති රනිල් වික්‍රමසිංහ මහතා ඊයේ (30) කොළඹ කොටුවේ නිරීක්ෂණ චාරිකාවකට එක්වෙමින් පැවසීය.

ජනාධිපති මෛතී‍්‍රපාල සිරිසේන මහතා සහ එක්සත් ජනතා නිදහස් සන්ධානයේ සාමාජික පක්ෂවල නායකයන් අතර විශේෂ හමුවක් අද (31) පැවැත්වේ.